माणुसकीचा रंग
माणुसकीचा रंग
हा माणुसकीचा | एक रंग लावू |
माणुसकी दावू | माणसाला ||
प्रेमाचा तो रंग | खुलवी मनाला |
प्रत्येक क्षणाला | मानवाच्या ||
नात्यांचा तो रंग | स्नेहाने जपूया |
नाते टिकवूया | सारेजण ||
रंग कर्तव्याचा | कर्तव्य करूया |
मने ही जोडूया | एकमेका ||
रंग मदतीचा | सहकार्य करू |
गुढी हो उभारू | मदतीची ||
रंग तो भक्तीचा | श्रध्दा जपूयात |
भक्ती करूयात | देवाभाव ||
त्या समाधानाचा | एक रंग ठेवू |
आनंदे जगवू | सा-यांनाच ||
तो आपुलकीचा | एक लावू रंग |
अनाथाच्या संगे | राहु चला ||
जाणिवेचा रंग | असू द्यावा आधी |
कशाची ना व्याधी | नसेल गा ||
मिनू म्हणे आता | कर्तव्याचे माप |
जप मायबाप | ठेव ध्यानी ||