मन

खुळे आहे माझे मन 

रोज बघते तुझी वाट 

एक दिवस भेटायला ये 

तशी आमची मैत्री होती दाट 

मनाला खूप समजावले मी 

तरी सुद्धा बिचारे ऐकेना 

आता भेट नाहीं व्हायची 

पण त्याला काही तें रुचेना 

म्हणून म्हणते एक दिवस ये 

परत तुला देणार नाही मी दु:ख 

खऱ्या प्रेमाची व्याख्या काय असते 

ते समजावण्याची करणार नाही चूक 

प्रेम केले तुझ्यावर मनापासून 

थोडे लपवून , थोडे जपून 

तुला माझा करायचं होतं 

हृदय माझं तुला देऊन 

माझं प्रेम तुला नाही दिसलं 

कारण तें नाजूक सौम्य होतं 

भलत्याच प्रेमाला बळी पडलास 

त्यावेळीं माझं मन दुखावलं होतं 

आज इतक्या वर्षांनी आठवण झाली 

ज्यावेळी आयुष्याची मी उजळणी केली 

सगळ्या आठवणींची साठवण केली 

अंतर्मनांतल्या खोल कप्प्यात ठेवली