आधार स्पर्शाचा
आधार स्पर्शाचा
हात हातामधी येता
मनी सुख दाटतसे
बोल मनातील माझे
हात माझा बोलतसे (१)
कधीकधी शब्दांपेक्षा
स्पर्श असतो बोलका
स्पर्शानेच कळे तुला
मम मनीच्या भावना (२)
फोन ईमेल मेसेज
सारे व्यर्थचि भासते
स्पर्श देतसे मायेची
ऊब मजला भावते (३)
भेट तुझी माझी आज
शब्दांविना फुलविली
लाखो शब्द अपुरेच
स्पर्शबोली बहरली (४)
दुजे काही नको मज
हवा आधार मनाला
हात हातात घेऊनी
नित्य दे राजा मजला (५)