जीवनाचे पुस्तक

जीवनाचे पुस्तक कोरे , जन्मतःच हाती येतसे , 

रेखितो त्यावरी अक्षरे , मानव यत्न प्रयत्ने   (1)

बालपणीचा काळ सुखाचा , धमाल मैत्रिणींसवे

पेरु आवळे बोरे चिंचा , पुस्तकी हसरी चित्रे (2)

यौवनातले बहर हिरवे , मोरपिशी जीवनी

प्रेमाचे कवाड खुलले , इंद्रधनू रेखूनी    (3)

आयुष्यातील सुखदुःखांची , नोंद असे पुस्तकी 

कठीण प्रसंगी हात देऊनी , सावरणा-यांची   (4)

संध्याछाया खुणाविती , ईश्वर चिंतन मनी

पैलतीर दिसे नयनी , सार्थकता जीवनी   (5)

कुणा न माहित कधी , पान शेवटले येतसे

जगन्नियंत्या हाती दोरी , विधाताच जाणतसे   (6)