माझी सावली
माझी सावली
ती माझ्याबरोबरच असते
मला ती कधींच सोडत नसते
कधीं इथे कधीं तिथे
सतत सोबत करत असते
सकाळ झाली तरी बरोबर
दुपारची ती चालते भिंतीवर
कधीं लहान तर कधीं मोठी होते
मी करते तींच कामं ती करते
मी वेगवेगळ्या रंगांचे कपडे घालते
पण ती काळींच वस्त्रं परिधान करते
कितीही मारलं तरी तिला नाहीं लागत
काही बोलले तरी तिला नाही बाधत
मी हातवारे केले तरच ती करते
नाहीतर खरंच ती गप्पच राहाते
कधीं ती पुढून लांबच लांब होते
कधीं ती मागून अगदी छोटी होते
बरोबर येऊं नको म्हटले तरी ती येते
जेव्हां मी झोपते तेव्हां ती दबून जाते
प्रकाशांत ती लोकांना दिसते
काळोखात ती गायबच होते
अहो,ती माझी सावली आहे.
आणि माझ्या बरोबर आहे.