लाइब्रेरी
प्रोफाइल
लग्न
लग्न
1 min
336
एकदा रावस म्हणाला पापलेटला
किती अजब तुझी ही अदा
म्हणावं वाटतं तुला पाहून
जीव तुझ्यावर झाला फिदा
पापलेटला झाला आनंद खूप
रावसाशी तिला वाटलं करावं लग्न
पापलेटनं घेतलं मनावर, राहून चूप
पण तेव्हापासून झाली कामात मग्न
लग्नाची कामे त्यांनी वाटून दिली
भटजीमामा केला बारीक बोंबिलाला
डेकोरेशनची कामे सरंग्याकडे सोपविली
कानपिळ्याचा मान मात्र बांगड्याला
वाटोळी कोलंबी करवली झाली
वाजंत्री झाले मांसाळ सौंदाळे
जेवणाची तयारी सुरमईने केली
खेकडे पण आले काळे काळे
रंगित अक्षता वाटल्या तारल्यांनी
भटजीमामांनी म्हटली मंगलाष्टके
रावसाचे व पापलेटचे लग्न झाले
सर्वांनी त्यांना शुभाशिर्वाद दिले
