सानेगुरुजी सुपुत्र भारत मातेचा

खरा एकच धर्म अर्पावे प्रेमच ते जगाला|

मातेने शिकवले संस्कारांतून हे ज्याला ||१

सदाशिव पुत्र एकची पांडुरंग रे जन्मला|

साने गुरुजी शोभे यथार्थ नाम हे तयाला ||२

यशोदेचा पुत्र कान्हा पांडुरंग होते अण्णा|

गाता मातेचे मंगल स्तोत्र फुटे प्रेम पान्हा ||३

भारतमातेचा पुत्र होऊनी विसरे ना जन्म दात्रिला|

'बलसागर भारत होवो ' कानमंत्र गीतांतूनच दिला ||४ 

पत्र लिहुनी सुधास संस्कार पाठ नित्य तो पढविला |

धन्य जाहली माता सुपुत्र जिने तुमच्यासम घडविला ||५

हीन दीन पददलितांची मनीं ज्या असे करुणा|

व्हा देशहितास्तव सदैव तत्पर जो सांगे तरूणा ||६

ओठांवर ज्यांच्या थरथरत असे प्रार्थना एक तिच|

कधी न व्हावे भगवान त्यांच्या हातून कर्म नीच ||७