आठवडी बाजार
आठवडी बाजार
आठवड्यातून एकदा नेहमीच
भरत असतो आठवडी बाजार |
काही ना काही कारण काढून
खरेदी करण्याचा जडे आजार | |१| |
किराणा, घर सामान, भांडीकुंडी
कपलत्ते सा-या़ची असे रेलचेल |
अर्थाचे नियोजन महिन्याचे पण
होते या बाजारात पूर्णत: फेल | |२| |
खिशातली चाराणी आठाणी नाणी
गेलीत रुपयांनी तरी नाही भागतं |
शेंगदाणे फुटाणे शिरणी घेता इतर
खाऊसाठी मनच मारावं लागतं | |३| |
आठवडी बाजारात जाण्यासाठी
सारीच उत्सुक तरणी म्हातारी |
फिरणं,खरेदी,हौस,मौज नि मस्ती
वाटे तरीही नफ्याचीच खातरी | |४| |
आबालवृद्धांना लावी वेड हा आठवडी
बाजार वेळ व खर्च करी अनाठायी |
कधी अनुभव त्रासदायी फसवे तर कधी
सारेच हास्यास्पद तरी जिवनदायी | |५| |
आठवड्यातून एकदा गावी वा शहरी नेहमीच
भरणारा हा आठवडी बाजार आबालवृद्धांना कसा वेड लावतो व वेळे बरोबर अनाठायी खर्च तर कधी जिवनदायी अनुभव देऊन जातो याचेच वर्णन या कवितेत केले आहे.