विषय:- जीवन संघर्ष

जीवन नसते कधीच साधे सरळ

संघर्षमय जीवन लागतंच जगावं |

तु चाल पुढे म्हणत हसतमुखाने

संघर्षाला तोंड देत रहावं | |१| |

जिवनाची वाट नेहमीच असते

खाच- खळग्यांनी भरलेली |

सुखाची हिरवळ शोधत पावले

जीवन मार्गावरी धरलेली | |२| | 

आशा-निराशा,यशापयश अन्

सुख- दुःख: या जगी क्रमप्राप्त |

जन्म-मरण,मिलन- विरह,घडतो

असो मित्रपरिवार वा आप्त | |३| |

जीवन संघर्ष अटळ सत्य नसेच

कुणा चुकलेला असो रंक वा राव |

तरुण जाण्या हा भवसागर जीवा

घेत रहा तू निर्मित्याचे नाव | |४| |