नववर्षाचे स्वागत
नववर्षाचे स्वागत
मराठी नववर्षाचे स्वागत होते
गुढी संकल्पांची उभारून दारी |
सडा,रांगोळ्यांनी सजता अंगण
झेंडूतोरण आणते शोभा न्यारी | |
वसंत ऋतूची लागे चाहूल वेली
वृक्षांसह येई आम्रवृक्षास बहर |
मंद सुंगंधीत वारे वाहू लागतात
गातसे कोकीळ पंचम सुस्वर | |
श्रीखंड पुरी नैवेद्य गुढीस चटणी
ती गुळ चिंच कडूनिंब पाल्याची |
जिवनी दु:ख कडूनिंबासम साखर
गाठीचे प्रतिक सुख आल्याची | |
नववर्षाचे स्वागत करूया संकल्प
साजरे व्हावे मराठी उत्सव सण |
ज्ञान विज्ञाना सवे अध्यात्माचीही
धरता कास सुखाचा प्रत्येक क्षण | |
मराठी नवीन वर्षाचे स्वागत आनंदाने व संकल्प पूर्वक कसे करावे हेच या कवितेतून सांगितले आहे.