कुविचारांची करू या होळी

दुर्गुणांचा अंत असे सण होळी

प्रतिकात्मक होलिकेचे दहन |

भक्तांसाठी धाव घेई सदा ईश्वर 

व्हावयास ते दुष्कर्मांचे दमन | |

होळी सणासाठी पुरणपोळी

घरोघरी केली जाते खास |

होळीत अर्पिता समग्र नैवेद्यास

अग्नित जळता दरवळे सुवास | | 

कुविचारांची करू या होळी

धरण्या सद्गुणांची कास |

घरोघरी भक्तप्रल्हाद असावा

देण्या दैवी शक्तीचा सहवास | |

होळी सांगते करा त्याज्य जे जगी 

ते सर्व तुम्ही खुशाल मला अर्पण |

सत्कारणी लागण्यास देह समिधा 

सद्भाव व प्रेमाचे करा समर्पण | |