नववर्षाचा संकल्प

गत वर्ष जाऊनी आले आहे  

नव वर्ष लेऊनी नव संकल्पना |

स्वागत नववर्षाचे करूआनंदाने

आखूयात सुंदर नव कल्पना | |१| |

वाटते पहाटे लवकर उठून जावे

खरंतर रोजच पायी चालत |

पण उठण्याचा येतो कंटाळा मग

बसतो आळसाला भीक घालत | |२| |

एकतरी पुस्तक घ्यावे रोज 

करतो संकल्प नववर्षाचा |

जातो निघून दिवस तसाच

वाट लावितच सार हर्षाचा | |३| |

वाटे संकल्प जाईल पूर्णत्वास 

रोज लवकर झोपी जाण्याचा |

काही केल्या येईना झोप लवकर

छंद जडे मोबाईल पहाण्याचा | |४| |

सा-या संकल्पांची लागते वाट

पुर्णत्वास येण्या आधीच |

आता तर मी करीतच नाही नवे

संकल्प फाडून टाकली यादीच | |५| |