हवाहवासा पाऊस

वरुणराजा प्रसन्न झाला , अगदी अवनीवरी

सरसरत्या धारा बरसती , वसुंधरेवरी  (1)

तप्त धरित्री तृप्त जाहली , सरसर धारांनी

अलंकार नि हिरवी वस्त्रे अंगावरी लेऊनी  (2)

कायापालट अवंतीचा , मनास अती लुभवी

चमत्कार निसर्गाचा , ऋतुचक्रामधुनी   (3)

थंडगार शीतल पवन , झुळकीने सुखवी

इंद्रधनूची कमान चढते , रश्मीकिरणांमधुनी   (4)

वेळेवरी पाऊस आला , सुखवी सर्वांसी

कृषीवल झाले हर्षित सारे , आज मनीमानसी   (5)

तरुणाईचा जोष अहाहा , मोकाटच सुटती

धबधबे वाहती खळखळ , अफाट त्यांची गती  (6)

मोदे बरसत तृप्त करी , 

नित-नूत पालविनी

हवाहवासा वाटे सर्वां , पाऊस मनापासूनी   (7)