एप्रिल फूल!

एप्रिल फूल म्हणजे नेमकं काय ,

हा तर केवळ , शब्दांचा खेळ |

ओठात आगळं , पोटात वेगळं ,

कळण्याआधीच , निघून जाते वेळ |

चालता बोलता , वाटते जवळची ,

आभास म्हणा , अथवा मृगजळ |

असो , तुम्ही बोलून तर बघा राव ,

वेळ तिची , नी तुमचं बळ |

मी कुठं म्हणतो , खरं बोला ,

अहो , तुम्ही फक्त पुडी खोला |

आणि , आलीच ती जर पाशात ,

तर मग , बोला , हर हर भोला 

एक मात्र , तिच्या मनाचा नसता ठाव ,

अलगद कशी ती देते हुल |

मिठी सारता बोलत पळते ,

एप्रिल फूल , एप्रिल फूल |

हे असं , आणि असंच असते ,

म्हणून तर राजे हो , जग फसते |

आता तरी काही समजून घ्या ,

ही दुनिया , दिसते तशी नसते |