एक आभाळ मोकळे

एक आभाळ मोकळे 

आकांक्षा अन् इच्छांचे 

मनास वेड लावणारे 

एक आभाळ मोकळे 

आपल्या अस्तित्वाची जाणीव करून देणारे

जमून ते मेघ सावळे अलगद बरसवून देणारे 

एक आभाळ मोकळे 

सर्व हसऱ्या तारकांना

 सुगंधित करून सोडणारे  

एक आभाळ मोकळे

 पुन्हा कवेत घेणारे 

अश्रू सारे वाहून जाऊन

 ओठावरती फक्त हसू उमटवणारे  

एक आभाळ मोकळे 

सुर जीवनाचे जुळवणारे

स्वच्छंद या स्वरांना हलकेच गोंजारणारे

 एक आभाळ मोकळे 

दुविचार दूर करून आयुष्याच्या

 कठीण प्रसंगात ही मनात फक्त सुविचार आणणारे 

एक आभाळ मोकळे 

मुक्त स्वैर नभी भरारी घेण्यासाठी

 पंखात बळ देणारे 

 एक आभाळ मोकळे 

जगण्यास नवी उमेद देऊन  

क्षितिजापलीकडे पोहोचविणारे...