नेत्रदान

नेत्रदान करूनीया 

मृत्यू पश्चात जगावे

दान सत्पात्री चांगले 

जाणीवेने ते करावे 

मना पुण्याने आनंद 

पाहे नेत्रहीन सृष्टी 

ठेवा नेत्राचा अमुल्य  

जीवा स्वर्गसुख वृष्टी 

वाटेवर या अंधाऱ्या

प्रकाशाच्या रे दीपाने

दिसे अद्भुत नजारा 

नेत्रदान संकल्पाने

मानवता हाच धर्म 

देऊ सर्वांना आदर 

प्रेम अर्पूया जगाला 

भरू सत्कर्म घागर 

घेऊ संकल्प आगळे 

जगा देऊ दिव्यदृष्टी 

नवसृष्टी घडवण्या  

करू सुविचार वृष्टी 

करू संकल्प हा नवा 

मनी रूजवू संस्कार 

नेत्रदान सर्वश्रेष्ठ 

देऊ जीवना आकार