बायको
बायको
खूप लोकांनी मांडली व्याख्या, त्यांच्या त्यांच्या अनुभवाने.
वर्णन अस करून ठेवलंय, भीती वाटते फक्त नावाने.
काहींनी सकारात्मक तर, काहींनी लिहिलंय नकारात्मक मनाने.
महत्व काय आहे तिचे, कित्येकदा दाखवलय इतिहासाने.
कुणी गंमतीत मांडलं तर, कुणी संशयाने मांडलं या नात्याला.
आयुष्याची सोबत असते, मग सुख दुःख सगळं तिच्या वाट्याला.
तारुण्यात प्रवेश करते आयुष्यात, साथ देण्या शेवटपर्यंत.
मरणोत्तर ही नातं जपते, अगदी तिचा श्वास संपेपर्यंत.
किती तरी वेळा भांडतो रडतो, आणी चिडवतोही तिला.
कितीही नकोशी झाली तरी, लांब गेली की करमत नाही मला.
लोकांनी वर्णन केलय, आहे ती भांडखोर तापट सायको.
आज तिच्याबद्दल लिहितोय, जी आहे माझी बायको.