आठवणींचे...
आठवणींचे...
उरले सुरले जगतो आहे जीवन आठवणींचे
आयुष्याच्या संध्याकाळी गुंजन आठवणींचे
डोळ्यांमध्ये जमली माझ्या गर्दी आठवणींची
ओसंडुन मग वाहे अवघी भरती आठवणींची
आठवणींच्या ओलाव्याने सुटले भिजल्यावरती
या देहाच्या भिंतीवरती कंपन आठवणींचे
आठवणींच्या मृद्गंधाने अजुनी मोहरतो मी
मोहरलेल्या हृदयासंगे हल्ली वावरतो मी
आठवणींचा मोरपिसारा फिरतो अंगावरती
जेव्हा जेव्हा दरवळते हे चंदन आठवणींचे