Library
Profile
सावनी
सावनी
1 min
77
नाळ जोडली वाऱ्याची
पाणी थेंबाच्या सरीची
ऊन सावलीच्या मंधी
माळ जोडली नभाची
वाट धरली गंधाची
बोंडं पांढर फुलाची
दव मोती चोरायाला
धाव किडुक चोराची
येते सांधीतून चांदी
झोपडीच्या कौलाराची
कवडसा नारायण
ओटी भरितो सुखाची
दूर तान्ह्याजून पक्षी
कोण्या मुलखाला जाई
ढग पान्हा सोडताना
थेंब चोचीमंधी घेई
डोंगराच्या आडोशाला
नदी ओढ्याचा संसार
फुल-भोवरा पाहून
फुटे मधाला पाझर
मिलनाच्या घटिकेला
घरट्याला दार नाही
ओल्याचिंब गर्भरेला
ऊब आडोशाची राही
मोर लांडोर देवाची
वाघ्या मुरळी गोंधळी
कुहू सावनी ऐकून
शहारते चाफेकळी
