Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

गोविंद ठोंबरे

Tragedy Inspirational

4  

गोविंद ठोंबरे

Tragedy Inspirational

अंतरीचा बाप

अंतरीचा बाप

1 min
69


शिळ्या भाकरीचा घास

बाप खाई शिवारात

ऊन डोईवर घेई

कष्ट भिजते घामात


बाप पितो कधी वारं

अंगी चढवितो नशा

बाप उनाड नभात

कशी पाझळतो आशा


बाप ढेकूळ मातीला

हात जोडून पाहतो

त्याच्या वांझोट्या रानात

दाणं कर्माचं पेरतो


बाप आषाढ श्रावण

बाप विठ्ठल वाटतो

वारी पिकाची पाहता

बाप सोहळा भासतो


कूस मायेची निर्मळ

पान्हा अमृत पाजते 

बाप मुक्या भावनेचा

माया रक्तात वाहते


मन भजनी होऊन

बाप छंद श्वास होतो

टाळ मृदंग होऊन

बाप अंतरी नाचतो


Rate this content
Log in