आला बेधुंद पाऊस
आला बेधुंद पाऊस
आला बेधुंद पाऊस
आता ओलेचिंब होऊ
पावसाचे गात गाणे
छान ओसंडून वाहू
गार पावसाळी वारा
अंगभर थरथर
जिव्हाळ्याच्या मृगधारा
साठवतो मनभर
थेंब थेंब पावसाचा
अंगाखांद्यावर झेलू
मनसोक्त भिजतांना
पानाफुलासंगे नाचू
माझ्या निष्पर्ण देहाला
नवसंजीवनी आली
पुन्हा बहरण्यासाठी
नवी उमेद मिळाली
झटकून मरगळ
धुंद पावसात न्हाऊ
देहभान विसरुनी
आज पावसाचे होऊ