मोर्णा माय माझी
मोर्णा माय माझी
मोर्णा माय माझी । पुर्णेची बहीण ।।
माहेरवाशीण । चंद्रभागा ।।
मोर्णा माय माझी । पंढरीचं तीर्थ ।।
ममतेचा अर्थ । सांगणारी ।।
मोर्णा माय माझी । वाहे नागमोडी ।।
तिच्यामध्ये गोडी । अमृताची ।।
मोर्णा माय माझी । आहे पुण्यदायी ।।
नदी मोक्षदायी ।। गंगेपरी ।।
मोर्णा माय माझी । पहाटे सोनेरी ।।
रात्रीला चंदेरी । शृंगारते ।।
मोर्णा माय माझी । कावडींना भरे ।।
अभिषेक करे । राजेश्वरा ।।
मोर्णा माय माझी । वाहे झरझर ।।
घेउनी पदर । मोरपंखी ।।
मोर्णा माय माझी । सृष्टीचं लावण्य ।।
श्रावणी चैतन्य । अकोल्याचे ।।
मोर्णा माय माझी । माहेर हक्काचे ।।
सौभाग्य गावाचे । मोर्णा नदी ।।
मोर्णा माय माझी । मोर्णा माय माझी ।।
मोर्णा माय माझी । मोर्णा नदी ।।