लाइब्रेरी
प्रोफाइल
झोका
झोका
1 min
408
काळजाच्या फांद्यांवर
आला श्रावण फुलुनी
उंच उंच झोका जाई
वाऱ्यावरती झुलुनी
पाने कोवळ्या मनाची
पंख उघडू लागली
श्रावणाने जगण्याची
पुन्हा रंगत आणली
आभाळाच्या काळजाचे
झोका ठोठावुनी दार...
वाऱ्यावरती लिहतो
जगण्याचे खरे सार...
बिनदोरीचा झोकाही
पापण्यांवर झुलतो...
श्रावण आल्यावर
मनासारखे जगतो...
झोका अल्लड 'मनाचा'
घेई सृष्टीचा कानोसा
मनामनाच्या झोक्यांचा
जणू श्रावण जानोसा
