വഴി തെറ്റി വന്നു ചേർന്നവൾ

നിന്നെ ഞാനോർത്തെടുക്കുന്ന നേരം 

എൻ ചുണ്ടിലെന്നുമൊരു ചിരി വിടരും 

ഒന്നു മിണ്ടാനായി കാത്തു നിന്നൂ മൗനം 

വീർപ്പുമുട്ടുന്നു വഴിയരികിലിന്നും  

ചിന്തയുടെ തടവറയിലെന്റെ മൗനം

പുറംലോകമറിയാതെ നിന്നെയറിയും 

മധുരമായ് മാറോടു ചേർത്തു നിർത്തി 

പ്രണയസമ്മാനങ്ങൾ കരുതി വക്കും 

വഴി തെറ്റി നീയെന്നിൽ വന്നു ചേർന്നു 

ഒരു നീറ്റലേകി നീ പോയെങ്കിലും 

ചെറിയ സന്തോഷങ്ങളാസ്വദിക്കാൻ 

കൂടെ നീയിന്നില്ലയെങ്കിൽ പോലും 

അരികിൽ നീയുണ്ടായിരുന്ന കാലം 

ഞാനറിയാതെ നിന്നെ സ്നേഹിച്ചിരുന്നു 

നീ വരുമെന്നു കരുതി ഞാൻ കാത്തിരുന്ന 

വഴികളിൽ വേനൽ വെയിൽ വന്നു പോയ്‌  

പ്രണയയുദ്ധങ്ങൾ ജയിച്ചിടാതെ 

മഴയിൽ നാം ചിതറിത്തെറിച്ചു പോയി