Library
Profile
ಓ ನನ್ನ ನಲ್ಲೆ, ನೀ ಎಲ್ಲಿರುವೆ..?
ಓ ನನ್ನ ನಲ್ಲೆ, ನೀ ಎಲ್ಲಿರುವೆ..?
ನನ್ನ ಕಡೆಗೆ ಗಮನ ಇಲ್ಲವೆ,
ನಿನ್ನ ದಾರಿ ನಾ ಕಾದು ಕುಳಿತಿರುವೆ,
ಎಲ್ಲಿರುವೇ..? ನೀ ಹೇಗಿರುವೆ..?
ನೂರಾರು ಆಸೆ ಮನದಲ್ಲಿ ಹೊತ್ತು
ಮುಗಿಲಷ್ಟು ಪ್ರೇಮ ಕಣ್ಣಲ್ಲಿ ಇಟ್ಟು
ನೀ ಬರೋ ದಾರಿಗೆ ಕಾದಿರುವೆ
ಓ ನನ್ನ ನಲ್ಲೆ ನೀ ಎಲ್ಲಿರುವೆ..?
ಸುಳಿವೊಂದು ನೀಡು ನೀ ಮರೆಯಲ್ಲಿ ಅವಿತು
ಕಣ್ಣಸನ್ನೆ ಮಾಡು ನೀ ನನ್ನನ್ನೆ ಕುರಿತು
ಆ ಬಾನು ಈ ಭೂಮಿ ಎಲ್ಲಾ ಖಾಲಿ,
ನಕ್ಷತ್ರ ನೀನಿರದೆ ಈ ನನ್ನ ಬದುಕಲ್ಲಿ
ಮನದಾಳದ ತುಮುಲು,ನಗೆಮಲ್ಲಿಗೆ ಹೊನಲು
ನಿನ್ನೊಂದಿಗೆ ಹಂಚಿಕೊಳ್ಳಲು
ನಿನ್ನ ಮಡಿಲಲಿ ಮಗುವಂತೆ ಮಲಗಲು
ನೀ ಬರೋ ದಾರಿಗೆ ಕಾದಿರುವೆ
ಓ ನನ್ನ ನಲ್ಲೆ ನೀ ಎಲ್ಲಿ
ರುವೆ..?
ನೀನೆಷ್ಟು ಕ್ರೂರಿ ಈ ಬಡಪಾಯಿಯ ಕೋರಿ
ಬರಲಾಗದೆ ದೂರದಲಿ ಆಯಾಗಿ ಎಲ್ಲಿರುವೆಯೇ
ಈ ಬಂಡ ಹೃದಯದಲಿ ಕನಸಾಗಿ ಸೇರಿ
ಹಗಲಿರುಳು ಏಕಾಂತವ ನೀಡಿರುವೆಯೇ
ಇದು ಸರಿಯೇನು ಹೇಳು ನಿನಗು ಸಹ
ಬಿಗಿದಪ್ಪು ಬಳಿಬಂದು ಒಂದು ಸಲಾ....
ಓ ನನ್ನ ನಲ್ಲೆ ನೀ ಎಲ್ಲಿರುವೆ..?
ಅದೆಷ್ಟೆಷ್ಟು ಕವಿತೆಗಳ ಬರೆದಿರುವೆನೋ?
ಅದೆಷ್ಟಷ್ಟು ಆಸೆಗಳ ತೆರೆದಿರುವೆನೋ?
ಮನದೊಳಗೆ ಹೂದೋಟ ಮಾಡಿರುವೆನು
ಕನಸುಗಳ ಹೂಗಳನು ಬೆಳೆದಿರುವೆನು
ಒಲವಿಂದ ಕಾದಿರುವೆ ಆ ಹೂಗಳನು
ನೀ ಬರುವ ದಾರಿಯಲಿ ಹಾಸುವೆನು
ಕಾತುರ ತಾಳದೆ ನಸುನಗುತಿಹೆನು
ಓ ನನ್ನ ನಲ್ಲೆ ನೀ ಎಲ್ಲಿರುವೆ..?
