ಹಾರೋಣ ಬಾನಾಡಿಯಾಗಿ!

ಮುಂಜಾನೆ ಸುರಿವ ಹನಿ ಹನಿ ಮಂಜಿನಲಿ

ಸುಳಿ ಗಾಳಿ ತರುವ ತುಂತುರು ಮಳೆಯಲಿ

ಮರೆಯೋಣ ಕಹಿಯನು ಹೆಜ್ಜೆ ಹಾಕುತ ಜೊತೆಯಲಿ

ದಾಟುವ ಸಪ್ತ ಸಾಗರವ ಪ್ರೀತಿಯಾ ನೌಕೆಯಲಿ||೧||

ತಂತಿ ನಾನು ವೀಣೆ ನೀನು ಅನುರಾಗ ಮೂಡದೇನು

ನೀನು ಹಣತೆ ದೀಪ ನಾನು ಬೆಳಕು ಮೂಡದೇನು

ನೀನು ನೌಕೆ ನಾವಿಕಾ ನಾನು ದೋಣಿ ಸಾಗದೇನು

ನೀನು ರಥವು ಗಾಲಿ ನಾನು ಪಥವು ಸಾಗದೇನು ||೨||

ರೆಕ್ಕೆ ಬಿಚ್ಚಿ ಮುಗಿಲೇರಿ ಹಾರೋಣ ಬಾನಾಡಿಯಾಗಿ

ಚಂದಿರನಂಗಳದಿ ಗೆಜ್ಜೆಕಟ್ಟಿ ಕುಣಿಯೋಣ ನವಿಲಾಗಿ

ಮುಂಜಾವ ರಂಗಿನಾರತಿಗೆ ಹಾಡೋಣ ಕೋಗಿಲೆಯಾಗಿ

ಒಲವಿನಾ ಗೀತೆ ಹಾಡೋಣ ಈಜುತ ಕಡಲ ಮೀನಾಗಿ ||೩||