ಸಂಜೆ ಆಯಿತಲ್ಲಿ...

ಸಂಜೆ ಆಯಿತಲ್ಲಿ ನೋಡು ಬೆಂಕಿಯುಂಡೆ ಸೂರ್ಯನು

ಕಡಲ ಅಲೆಯ ನಡುವೆ ತೇಲಿ ಮುಳುಗಿ ಹೋದನು

ತಲೆಯೆತ್ತಿ ಮೇಲೆ ನೋಡು

ನಗುತ ಬಂದ ಚಂದ್ರನು

ತಾರೆಯರ ಜೊತೆಗೂಡಿ ಭೂಮಿಗೆ ಚೆಲ್ಲಿದ ಬೆಳಕನು ||೧||

ಹಸಿವು ಎನಲು ತಿನಿಪಳಮ್ಮ  ತುಪ್ಪದ ಅನ್ನ

ಕುಡಿಯಲು ನೀಡುತ

ಬಿಸಿಬಿಸಿ ನೊರೆ ಹಾಲನ್ನ

ಬೆಲ್ಲವ ನೀಡಿ ಗಲ್ಲವ ಮುಟ್ಟಿ ಕೊಡುವಳೆನಗೆ ಮುತ್ತನ್ನ

ಚಂದ್ರನ ತೋರಿ ತಾರೆಯ ಎಣಿಸಿ ಪೇಳುವಳು ಕಥೆಯನ್ನ  ||೨||

ಹಾಡಲು ಅಮ್ಮ ಜೋಜೋ ಲಾಲಿ

ಮಡಿಲಲಿ ಮಲಗುವೆ ನಾ ಕೇಳುತಲಿ

ನಮಿಸುತ ರಾಮಕೃಷ್ಣರ ಭಕ್ತಿಯಲಿ

ಭೀಮ ಹನುಮನ ಕನಸ ಕಾಣುತಲಿ   ||೩||