ಹಸಿವು!?

ಹಸಿವೇ ಶಾಪವದು, ಹಸಿವೇ ವರವದೆಂದರುಹಿದರು

ಹಸಿದವಗೆಂದೂ ಹಿತೋಪದೇಶ ಸಲ್ಲದೆಂದರು

ಹಸಿವಿಲ್ಲದವಗೆಂದೂ ರುಚಿಸದನ್ನ ನೀಡದಿರೆಂದರು

ದಾನ ಧರ್ಮದ ಹಸಿವು 

ದಯೆಯ ಮೂಲವೆಂದರು

ಆಸೆಯ ಹಸಿವು ದು:ಖದಾ ಮೂಲವೆಂದ ಬುದ್ಧ

ಜ್ಞಾನದಾ ಹಸಿವೇ ಜೀವನವೆಂದ ವಿವೇಕಾನಂದ

ಹಸಿವು ಇತಿಮಿತಿಯಲಿರೆ ನಮ್ಮೀ ಬದುಕು ಚೆಂದ

ತೊರೆ ಮಹದಾಸೆಯ ಹಸಿವು ಪಡೆವೆ ಸದಾನಂದ

ಹಸಿವು ಮುಕ್ತವಾಗಲಿ ಈ ಮೋಹದಾ ಕಾಯ, 

ಸತ್ಯದಾ ಹಸಿವು ತೋರುವುದು ನಿಜದಾರಿಯ

ಭಕ್ತಿಯ ಹಸಿವು ಹೆಚ್ಚಾಗಿ ನೆನೆಯಲಿ ಹರಿಯ

ಅರಿಷಡ್ವರ್ಗ ತೊರೆದುಬಿಡು ಅರಸಿ ಮುಕ್ತಿಯ