ಪರಮ ವೀರ
ಪರಮ ವೀರ
ತಾಯಿಗೆ ಮಾತನು ಕೊಟ್ಟನು ಅವನು
ತಾಯಿಯೇ ದೇವರು ಎಂದವನು
ಪಗಡೆಯಾಟದಲಿ ಗೆದ್ದ ತಾಯಿಗೆ
ಕೋಟೆಯ ಗೆದ್ದು ಕೊಡುವೆ ಎಂದನು
ಗೆಳೆಯನು ಗೆದ್ದು ಕೊಟ್ಟನು ಅವಗೆ
ಸ್ನೇಹಕೆ ಜೀವವ ನೀಡಿದನು
ಸಿಂಹಗಢ ದೊರಕಿತು ನಮಗೆ
ಸಿಂಹವು ಅಳಿಯಿತು ಎಂದನು
ಯವನನು ತೋರಿದ ಅಟ್ಟಹಾಸವ
ಮೆಟ್ಟಿ ನಿಂತನು ಶೌರ್ಯದಲಿ
ಸಾಮ್ರಾಜ್ಯವ ಕಟ್ಟಿದ ಅರಿಗಳ ಕುಟ್ಟಿದ
ವೀರತನದಲ್ಲಿ ಧೈರ್ಯದಲಿ
ಧರ್ಮದ ರಕ್ಷಣೆ ಉಸಿರು ಎಂದನು
ಸಮರಗೈದನು ಅಂಬಾಸುತನು
ಮಾದರಿ ಕಲಿ ಅವನಾಗಿಹನು
ಮನೆಮನಗಳಲಿ ತುಂಬಿಹನು
ಅಂಬಾ ಭವಾನಿಯ ಭಕ್ತನು ಅವನು
ಭಾರತಾಂಬೆಯ ವರಪುತ್ರನು
ಮತ್ತೆ ಯಾವ ತಾಯ ಮಡಿಲಲ್ಲಿ ಹುಟ್ಟುವನೋ
ಯಾರ ಮನೆಯ ಮಗನಾಗುವನೋ
ಹುಟ್ಟಿ ಬರಲಿ ಮತ್ತೊಮ್ಮೆ ಅವನು
ಭಾರತ ಧರ್ಮದ ಕುಲ ದೀಪಕನು
ಎಲ್ಲರೂ ಬಲ್ಲರು ಅವನನ್ನು
ಅವನೇ ಮರಾಠರ ಅಭ್ಯುದಯದ
ಪರಮ ವೀರ ಸಾಧಕನು