ಹುಚ್ಚು ಹುಡುಗ
ಹುಚ್ಚು ಹುಡುಗ
ಬಿಚ್ಚು ಮನಸಿನ ಹುಚ್ಚು ಹುಡುಗ ನೀನು
ನಿನ್ನ ಮರೆತು ಹೇಗಿರಲಿ ನಾನು
ಹೊಸದಾದ ಕನಸು ನಿನ್ನಿಂದ ಕಂಡೆ
ಇಂದು ನಿನ್ನೊಲವನು ಉಂಡೆ
ಆಡುವ ಮಾತೆಲ್ಲವೂ ಬಲು ಮಧುರ
ಹೇಳಿದೆ ನಿನ್ನ ಹೆಸರನೇ ನನ್ನ ಅಧರ
ಬರೆಯಲು ಮನದಲ್ಲಿ ಕಾತರ
ಎಂದು ಬರಲಿ ನಿನ್ನ ಹತ್ತಿರ
ಒಂದೊಂದು ಹೆಜ್ಜೆಯ ಗುರುತು,
ಇಡುವೆ ಹೆಜ್ಜೆಯ ನಿನ್ನೊಡನೆ ಬೆರೆತು
ಇರಲಿ ದೂರ, ಸಾಗುವ ದಾರಿ
ನಾ ಬರುವೆ ಜೊತೆಯಾಗಿ ಸೇರಿ
ಕಷ್ಟ ಸುಖಗಳು ನಮಗೆ ಬೇವು ಬೆಲ್ಲ
ಹಂಚಿ ಕೊಳ್ಳುವೆ ಕೇಳೋ ನಲ್ಲ
ನಿನ್ನ ಬೊಗಸೆಯಲ್ಲಿರಲಿ ನನ್ನ ಮೊಗವು
ನಾ ಬಗೆದು ಕೊಡುವೆ ಎಲ್ಲಾ ಸುಖವು
ಬಿಚ್ಚು ಮನಸಿನ ಹುಚ್ಚು ಹುಡುಗ ನೀನು
ನಿನ್ನ ಮರೆತು ಹೇಗಿರಲಿ ನಾನು