ಕ್ರಾಂತಿ ಗೀತೆ

ಕೆಚ್ಚೆದೆಯ ಗುಂಡಿಗೆಯ ಹೋರಾಟದ ಫಲವೇ ಸ್ವಾತಂತ್ರ್ಯ

ತ್ಯಾಗ ಬಲಿದಾನದ ಮಹತ್ವ ಸಾರುವ ಸ್ವಾತಂತ್ರ್ಯ

 ಜಾತಿಗೂ ಮೀರಿದ ಬಂಧಗಳ ನಡುವಿನ ಐಕ್ಯತೆ

ಯಾರಿಂದಲೂ ಬೇರ್ಪಡಿಸಲಾಗದ ಸಮನ್ವಯತೆ

ಉತ್ತರದಲ್ಲಿ ಹೊತ್ತಿದ ಕ್ರಾಂತಿ ಕಿಡಿಯ ಜ್ವಾಲೆ

ದಕ್ಷಿಣದಲ್ಲೂ ಹಬ್ಬಿತು ಸ್ವಾತಂತ್ರ್ಯದ ಬಿರುಸಿನ ಅಲೆ

ನೆತ್ತರು ಹರಿಸಿದರು ತಮ್ಮನ್ನೇ ಅರ್ಪಿಸಿದ ನಾಯಕರು

ಅವರೇ ನಮ್ಮಯ ಒಳಿತಿಗಾಗಿ ಶ್ರಮಿಸಿದ ಸಾಧಕರು

ಪರಕೀಯರ ಗುಂಡಿಗೂ ಹೆದರದ ಗುಂಡಿಗೆ

ಬ್ರಿಟಿಷರ ಸೊಕ್ಕು ಮುರಿದು ಕೊರಳಿಟ್ಟರು ನೇಣಿಗೆ

ವೀರ ಸ್ವರ್ಗವೇ ಸನಿಹಿಸಿತು ಇವರ ಬಳಿಗೆ

ವರವಾದರೂ ನೆರಳಾದರೂ ಭಾರತಾಂಬೆಯ ಮಡಿಲಿಗೆ

ಕಣ್ಣಲ್ಲಿದ್ದ ಸ್ವಾತಂತ್ರ್ಯದ ಕಿಚ್ಚಿಗೆ ರೊಚ್ಚಿಗೆ

ದಗದಗಿಸಿತು ಇಂಗ್ಲಿಷರ ಸೇನೆಯು ಜೊತೆಗೆ

ತ್ರಿವರ್ಣ ಧ್ವಜ ಹಾರಿತು ಮನೆ ಮನದಲ್ಲೂ ಈ ದಿನ

ನೆನೆಯೋಣ ನಮ್ಮವರ ಅನುದಿನ ಅನುಕ್ಷಣ