ಮನವನನುಗೊಳಿಸು

ಲೋಕದ ಡೊಂಕುಗಳು ಕಾಣದಂತೆ 

ಕುರುಡನ ಮಾಡು ಹೇ ದೇವಾ

ಬೇಡದ ಮಾತುಗಳು ಕೇಳದಂತೆ

ಕಿವುಡನ ಮಾಡು ಹೇ ದೇವಾ

ಪರರ ತಪ್ಪುಗಳ ಟೀಕಿಸದಂತೆ

ಮೂಕನ ಮಾಡು ಹೇ ದೇವಾ 

ದೈವ ಧರ್ಮಗಳ ನಿಂದಿಸದಂತೆ 

ನಾಲಿಗೆಯ ಶುದ್ದಿ ಮಾಡು ಹೇ ದೇವಾ

ಕಣ್ಣೊಳಗಿರುವ ಕಣ್ಣುಗಳ ತೆರೆಯಿಸಿ

ಕಿವಿಯೊಳಗಿರುವ ಕಿವಿಯ ಅರಳಿಸಿ

ಜಿಹ್ವೆಯೊಳಗೆ ನಿನ್ನ ನಾಮವ ತುಂಬಿ

ನಾಸಿಕದೊಳಗೆ ಪ್ರಸಾದ ಪರಿಮಳ ತುಂಬಿ 

ಅಂತರಂಗದಲ್ಲಿ ನಿನ್ನ ನೆನಪುಗಳ ತುಂಬಿ

ಕರ್ಮ ಜ್ಞಾನೇಂದ್ರಿಯಗಳ ಶುದ್ದಿಗೊಳಿಸಿ

ನನ್ನ ಮನವು ನಿನ್ನಲ್ಲೇ ನಿಲ್ಲುವಂತೆ 

ನನ್ನ ಮನವನನುಗೊಳಿಸು ಹೇ ದೇವಾ