Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Raghuveera Kamath

Abstract Classics Others

4  

Raghuveera Kamath

Abstract Classics Others

ಕಾಕತಾಳೀಯ ಕವನ

ಕಾಕತಾಳೀಯ ಕವನ

1 min
774


ಕಣ್ಣಂಚಿನ ಕಿರುನೋಟ ಕಣ್ತುಂಬ ಕಂಡಂತೆ

ಕಾರ್ಮೋಡದ ಕಗ್ಗತ್ತಲು ಕೊಳೆಯ ಕಳೆದಂತೆ

ಕಿಟಕಿಯ ಕಿಂಡಿಯಿಂದ ಕಿನ್ನರನು ಕರೆದಂತೆ

ಕೀರ್ತಿಯ ಕಥೆಯನ್ನು ಕನಸಿನಲ್ಲಿ ಕೊಂಡಂತೆ

ಕುಣಿಕುಣಿದು ಕುಪ್ಪಳಿಸಿ ಕಾವೇರುತಿರಲು

ಕೂದಲೆಳೆಯ ಕಂಟಕವ ಕಾಲ್ತುಳಿಯುತಿರಲು

ಕೃತಜ್ಞತೆಯ ಕರತಾಡನ ಕರತುಂಬಿ ಕರೆಯಲು

ಕೆಚ್ಚೆದೆಯ ಕರುನಾಡ ಕನ್ನಡಿಗನ ಕಡೆಗೋಲು

ಕೇಸರಿಯ ಕೆಂಚನೆ ಕೆಂಬಣ್ಣದ ಕಲಾಕುಸುರಿ

ಕೈಚಳಕದ ಕಲಾವಿದನ ಕಲಾಕೃತಿ ಕಮರಿ

ಕೊಳಲಿನ ಕೋಮಲ ಕಾವ್ಯದ ಕಸ್ತೂರಿ

ಕೋಲ್ಮಿಂಚಿನ ಕಂಪನಕೆ ಕಾನನವು ಕೆದರಿ

ಕೌತುಕದಿ ಕುಳಿತಿರಲು ಕಾಮನಬಿಲ್ಲು ಕಂಡಿದೆ

ಕಂಬನಿಯು ಕರಗಿದೆ ಕಚಗುಳಿ ಕೊನೆಗೊಂಡಿದೆ

ಕ್ರಮೇಣ ಕಾಯಕದಲ್ಲಿ ಕನಸುಗಳು ಕುದುರಿಹುದು

ಕ್ಷಮಯಾಧರಿತ್ರಿ ಕೌಶಲ್ಯಕ್ಕೆ ಕಾಕತಾಳೀಯ ಕವನವಿದು



Rate this content
Log in

Similar kannada poem from Abstract