Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!
Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!

Vijaya Bharathi

Abstract Classics Inspirational

5  

Vijaya Bharathi

Abstract Classics Inspirational

ಭಾರತಾಂಬೆಯ ಮೊರೆಅಂದು

ಭಾರತಾಂಬೆಯ ಮೊರೆಅಂದು

1 min
48


ಭಾರತಾಂಬೆಯ ಮೊರೆ ಅಂದು

ಸಂಕೋಲೆ ಕಳಚಿತು

ಸ್ವಾತಂತ್ರ್ಯ ಲಭಿಸಿತು


ವಿಜಯದಾ ಹೊನ್ನ ಕಳಶ

ಎನ್ನ ಮುಡಿ ಸೇರಿತು

ವಂದೇ ಮಾತರಂ ವಂದೇ ಮಾತರಂ

ಜೈಕಾರವೆನ್ನ ಕಿವಿದೆರೆಯ ಹೊಕ್ಕಿತು


ತ್ರಿವರ್ಣ ಧ್ವಜ ಹಾರಾಡಿತು

ಮಾತೃ ಭಕ್ತಿಯ ಮಹಾಪೂರ

ಎಲ್ಲೆಡೆಯೂ ಹರಿಯಿತು

ಅದ ಕಂಡ ಎನ್ನ ಮನ

ಸಂತಸದಿ ಅರಳಿತು


ಹೃದಯ ಹರುಷದಿ ಹಿಗ್ಗಿತು

ನಡುನಡುವೆ ಕಾಡಿತು

ಹುತಾತ್ಮ ಪುತ್ರರ ನೆನಪು

ಹೆತ್ತೊಡಲ ಕಲಕಿತು

ಮನ ಮಮ್ಮಲ ಮರುಗಿತು


ಅವರ ಹಡದೀ ಜನುಮ

ಸಾರ್ಥಕವ ಕಂಡಿತು ಇಂದು

ವರುಷಗಳುರಿಳಿದವು

ದಶಕಗಳು ಮರಳಿದವು

ವಿಜ್ಞಾನ ಯುಗದೊಳು

ತಂತ್ರಜ್ಞಾನ ಮೆರೆಯಿತು


ಕೂಗಿಕರೆದವೆನ್ನ ಮಕ್ಕಳ

ವಿದೇಶೀ ಜಾಲಗಳು

ಎನಗೆ ಬೆನ್ನ ಹಾಕಿ ಹೊರಟರು

ತಾಯ ಮೊರೆಯ ಮರೆತರು

ತಾಯ ಸೇವೆಯ ಮರೆತರು

ಬಂದಾರೋ? ಬಾರರೋ ?


ಹೋ ! ನನ್ನ ಹಸಿರುಡಿಗೆಯಲಿ

ರಕುತದೋಕುಳಿಯ ಕೆನ್ನೀರು

ಮತ್ತೆ ಹರಡುತಿದೆ ಇಂದು

ನನ್ನ ಗಡಿಗಾಗಿ ಹೋರಾಡಿ


ಎನ್ನ ಮಡಿಲ ಸೇರುತಿಹ

ವೀರ ಪುತ್ರರ ಕಂಡು

ದು:ಖದಿ ಭಾರವಾಗುತಿಹುದು

ನನ್ನ ಈ ಹೆತ್ತೊಡಲು ಮುಂದೆ


ಎಪ್ಪತ್ತರ ಹರೆಯ ನನಗೆ

ಎನ್ನ ಶಕ್ತಿ ಅಡಗುತಿದೆ

ಕೃಶವಾಗುತಿದೆ ಒಡಲು

ಮತ್ತೊಮ್ಮೆ ಕಾಡುತಿಹುದು

ಪರರ ಸಂಕೋಲೆಯ ಭಯ


ನನ್ನ ಸುತ್ತ ಮುತ್ತಲು

ಸಿಡಿಗುಂಡುಗಳ ರಣಕೇಕೆ

ನನ್ನ ಕಿವಿಗಳ ಸೀಳುತಿದೆ

ಅಸಹಾಯಕ ಮಕ್ಕಳ

ಆರ್ತನಾದ ಕೇಳುತಿದೆ


ನನ್ನ ಹೃದಯ ಮಡುಗಟ್ಟುತಿದೆ

ಭವಿತವ್ಯದ ಕಾರ್ಗತ್ತಲು

ಕಣ್ಣ ಮುಂದೆ ಸುಳಿಯುತಿದೆ

ದಾರಿ ಕಾಣದಾಗುತಿದೆ


ಓ ನನ್ನ ವೀರ ಪುತ್ರರೇ

ಆಲಿಸಿ ಎನ್ನ ಮೊರೆಯ

ನೂಕದಿರೆನ್ನ ಮಗದೊಮ್ಮೆ

ಪರರ ಸಂಕೋಲೆಯೊಳಗೆ



Rate this content
Log in