ಪ್ರಖರತೆಯ ಚೆಲುವ

ಅವನ ಪ್ರಖರತೆಗೆ ನಾ ಸೋತುಹೋದೆ

ಅವನ ಚೆಂದವನ್ನು ನಾ ಕಣ್ಮುಚ್ಚಿ ಆಸ್ವಾದಿಸಿದೆ

ಮನಸ್ಸೇ ದುಃಖದಲ್ಲಿದ್ದಾಗ ದಾರಿ ತೋರಿದನವ

ಕನಸುಗಳ ಸಾಕಾರಗೊಳಿಸುವ ನಿಟ್ಟಿಗೆ ಹುರಿದುಂಬಿಸಿದವ

ಜಗವನ್ನು ಜಯಿಸುವ ಶಕ್ತಿಯುಳ್ಳವನು

ತನ್ನ ಚೆಲುವಲ್ಲೇ ಸೃಷ್ಟಿಯ ಮನಸೆಳೆಯುವನು

ಇವನಿಲ್ಲದೆ ಜಗ ಎಚ್ಚರಗೊಳ್ಳುವುದೇ?

ಇವನ ಶಾಖವಿಲ್ಲದೆ ಜೀವರಾಶಿಗಳು ಅಳಿಯುವವಲ್ಲವೇ?

ಸೂರ್ಯನೆಂದು ಕರೆಯುವರು ಇವನನ್ನು

ಭೂಮಿಯೇ ಇವನ ಸುತ್ತ ಸುತ್ತುವಳು

ಇವರಿಬ್ಬರ ಈ ಪ್ರೇಮ ಪಯಣಕ್ಕೆ ಸಾಕ್ಷಿ ಜೀವಚರಗಳು

ಇವರಿಲ್ಲದಿದ್ದರೆ ಸೃಷ್ಟಿಯಲ್ಲಾಗುವುದು ಅಲ್ಲೋಲಕಲ್ಲೋಲಗಳು.