ಮನದ ಮಾತುಗಳು

ಹೆಸರಿಲ್ಲದ ಬಂಧವಿದು

ಹೆಸರಿಡುವ ಪ್ರಯತ್ನ ಮಾಡೆನು

ಆಸೆಯಿಂದ ಕಟ್ಟಿದ ಕನಸಿದು

ನನಸಾಗುವ ಮೊದಲೇ ಕಸಿದುಕೊಂಡಿಹನು

ಕನಸು ನನಸು ಎಂಬ ಆಟದಿ

ಒಂಟಿಯಾದೆನು ನಾ..

ಇಲ್ಲದ ಆಸೆಯಲಿ ಬಂಧಿಯಾಗಿ

ನರಳಾಡಿದೆ ನಾ..

ಪೋಣಿಸಿದ ಅಕ್ಷರ ಮಾಲೆ

ಬಿಚ್ಚಿಕೊಂಡಿದೆ ತನ್ನ ಗಂಟನ್ನು

ನೆಲದಿ ಚೆಲ್ಲಿದ ಮುತ್ತುಗಳು

ಆರಿಸುವ ಕೈಗಳಿಲ್ಲದೆ ಅನಾಥವಾಗಿದೆ

ಆಡಿ ಕುಣಿದ ಮನಸಂದು

ಮೂಕವಾಗಿದೆ ಇಂದು

ಬಯಲಲಿ ನಲಿದ ಹಕ್ಕಿಯಂದು

ಮನಃ ಪಂಜರದಿ ಬಂಧಿಯಾಗಿದೆ ಇಂದು