ಪದಗಳೆಂಬ ಮಾಯೆ

ಅದೇನು ಮೋಡಿ

ಮಾಡಿರುವೆಯೋ ನನಗೆ

ನನ್ನ ನೆಚ್ಚಿನ ವಿಷಯಗಳೆಲ್ಲವೂ

ಹೀಗೆಯೇ ನಿನ್ನಂತೆ ಬರೀ

ಮೌನದಲ್ಲೇ ಸಂತಸ ನೀಡುವಂತಹವು

ಆ ಬಿಳಿಯ ಹಾಳೆಯೂ

ಅದರ ಮೇಲೆ ಮೂಡುತ್ತಿರುವ

ಈ ದುಂಡಗಿನ ಅಕ್ಷರಗಳು ಎಲ್ಲವೂ

ಕೇವಲ ನನ್ನ ಮನದ ಭಾವಕೆ ಮತ್ತಷ್ಟು

ಹಂಬಲದ ಹೂವನ್ನು ಪೋಣಿಸುತ್ತಿವೆ..

ಈ ಬರವಣಿಗೆಯಲ್ಲಿ

ಅದೇನು ಖುಷಿಯೋ ನಾ ಕಾಣೆ

ಆದರೂ ಬಿಡದು ಈ ಮನಸು ನನ್ನ ಸುಮ್ಮನೆ

ಪದೇ ಪದೇ ಅದರತ್ತಲೇ ನನ್ನನ್ನು ಸೆಳೆಯುತ್ತಿವೆ..

ಅತ್ತರೂ ನಕ್ಕರೂ ಆ ಕ್ಷಣವೇ

ಮೂಡುತ್ತಿವೆ ಅಕ್ಷರಗಳು ಪದಗಳಲ್ಲಿ

ಭಾವಗಳಲ್ಲಿ ಬೆರೆತು ಸರತಿ ಸಾಲಿನಲ್ಲಿ..

ಒಂದರ ಹಿಂದೊಂದರಂತೆ ನೂಕು ನುಗ್ಗಲಿಲ್ಲದೆ

ಅದೇನು ಹಿತವೋ

ಈ ಮನಸ್ಸಿಗೆ ನಿನ್ನ ಕಂಡಾಗ

ಪದಗಳಲ್ಲಿ ಪದ ಬೆರೆತು ಭಾವವಾದಾಗ

ಸಂಗೀತದಲ್ಲಿ ಸ್ವರ ಬೆರೆಯುವಂತೆ

ಅಕ್ಷರಗಳೆಂಬ ಹೂ ತೋಟದಲ್ಲಿ ನಾನು

ಅಲೆದಾಡುತ್ತಿರುವೆ ಮನಸ್ಸು ಬಯಸಿದ

ಕಂಪನ್ನು ಅರಸುತ್ತಾ..!!