ಭಾರತ

ಭೂಮಂಡಲದ ಮುಕುಟ ಮಣಿ 

ಈ ನನ್ನ ಭಾರತ ಭೂಮಿ

ದೇವತೆಗಳ ಪರಮ ಪ್ರೀತಿಯ ಭುವಿ

ಈ ನನ್ನ ಜನ್ಮ ಭೂಮಿ 

ದಿವಿ ಭುವಿಗಳಾ ಮಾರ್ಗ ಸೇತು

ಈ ನನ್ನ ಮಾತೃ ಭೂಮಿ

ಸುರಗಂಗೆ ಇಳಿದು ಬಂದ ಧರೆ

ಈ ನನ್ನ ಭಾರತ ಭೂಮಿ

ಭವ ಸಾಗರ ದಾಟಿಸುವ ಮುಕ್ತಿ ಸ್ಥಳ

ಈ ನನ್ನ ಜನ್ಮ ಭೂಮಿ

ಸುಕೃತಿ ಚೇತನರ ಪ್ರಸವ ಭೂಮಿ

ಈ ನನ್ನ ಮಾತೃ ಭೂಮಿ 

ಬ್ರಹ್ಮ ಜ್ಞಾನಿಗಳ ತಪೋಭೂಮಿ

ಈ ನನ್ನ ಭಾರತ ಭೂಮಿ

ಭಗವದವತರಣಿಕೆಗಳ ಪಾವನ ಧರಣಿ

ಈ ನನ್ನ ಜನ್ಮ ಭೂಮಿ

ಹರಿಹರರ  ಆವಾಸದ ದೇವ ಭೂಮಿ

ಈ ನನ್ನ ಮಾತೃ ಭೂಮಿ

ಹಿಮಗಿರಿ ಮುಕುಟಧಾರಿಣಿ ಸಮನೋಹರಿ

ಈ ನನ್ನ ಭಾರತ ಭೂಮಿ

ಸಂತಮಹಾಂತರು ಜನಿಸಿದ ಧರ್ಮ ಭೂಮಿ

ಈ ನನ್ನ ಜನ್ಮ ಭೂಮಿ

ದೇಶಭಕ್ತ ಹುತಾತ್ಮರ ವೀರ ಭೂಮಿ 

ಈ ನನ್ನ ಮಾತೃ ಭೂಮಿ 

ವಿಜ್ಞಾನ ತಂತ್ರಜ್ಞಾನದ ವೈಜ್ಞಾನಿಕ ತಾಣ

ಈ ನನ್ನ ಭಾರತ ಭೂಮಿ 

ವಿಶ್ವ ಭೂಪಟ ವಿರಾಜಿತೆ ವಿಜೇತೆ

ಈ ನನ್ನ ಜನ್ಮ ಭೂಮಿ 

ನನಗೆ ಜನ್ಮ ನೀಡಿದ ನನ್ನ ಹೆಮ್ಮೆಯ ದೇಶ

ಈ ನನ್ನ ಮಾತೃ ಭೂಮಿ 

ವಿಜಯಭಾರತೀ.ಎ.ಎಸ್.