ಧರೆ ಧಾರೆ

ಧರೆಯಲ್ಲಿ ಅವತರಿಸಿದ ಧರ್ಮದ ಗುಡಿ ಗೋಪುರ

ಶಾಂತಿ ಸೌಹಾರ್ದತೆಯ ಅಗತ್ಯ ಸಾರುವ ಮಂದಿರ

ಮಾನವ ಧರ್ಮವೇ ಶ್ರೇಷ್ಠ ತತ್ವದ ಭೋಧನೆ

ನೆಮ್ಮದಿಯ ಬದುಕಿನ ಪುಟಗಳ ಆರಾಧನೆ

ನಮ್ಮೊಳಗೆ ಹರಿವ ರಕ್ತದ ಬಣ್ಣ ಒಂದೇ

ಉಸಿರಾಡುವ ಗಾಳಿ ನಡೆಯುವ ನೆಲ ಒಂದೇ

ಧರ್ಮವು ಎಲ್ಲರನ್ನೂ ಸಮಾನವಾಗಿ ಕಾಣೆಂದು ಸಾರಿತು

ಯಾರನ್ನು ದ್ವೇಷಿಸದೆ ಶಾಂತಿಯ ತೋಟದ ಪುಷ್ಪವಾಯಿತು

ಕರ್ಮವೇ ಧರ್ಮವೆಂದು ಸಾರಿದ ದೇಶ ನಮ್ಮದು

ದಯೆಯೇ ಧರ್ಮದ ಮೂಲವಯ್ಯ ಸಾರಿದ ದೇಶ ನಮ್ಮದು

ಇಲ್ಲಿಯ ಜನುಮ ಪಾವನವಯ್ಯ 

ನೆಮ್ಮದಿಯ ಜೀವನದ ಸಮನ್ವಯ