ಬಣ್ಣ ಬಣ್ಣದ ಕನಸು

ನೀ ಹಿಂಗ ದಿನಾ ನಂಗ ,

ಬಣ್ಣ ಬಣ್ಣದ ಕನಸಿದ್ಹಂಗ......!

ನೀ ಕಾಡಿದಾಗೆಲ್ಲಾ ನಾ ಓಡಿದ್ಹಾಂಗ?

ಕಾಮನಬಿಲ್ಲು ಮೂಡಿದ್ಹಾಂಗ..?

ಬೇಡವೆನಗೆ ಸುಳ್ಳಿನ ಬದುಕು

ವಾಸ್ತವದ ಜೀವನ ಜಂಜಾಟ..

ಕಳೆದುಬಿಡುವಾಸೆ ಇರುವಷ್ಟು ದಿನ

ಒಳಿತಲ್ಲಿ ಒಳಿತಾಗಿ, ಖುಷಿಯಲ್ಲಿ.

ಬೆಳೆಯಬೇಕು ಕೋಪ ಸಾದಿಸುತ್ತಾ,

ಅಳೆಯಬೇಕು ಬೇಕುಬೇಡಗಳನು,

ಮರೆತೆಲ್ಲ ನೋವುಗಳ , ಕೊರತೆಗಳ,

ಇದ್ದುಬಿಡಬೇಕು ಮೌನಕ್ಕೊರಗಿಕೊಂಡು.

ಕಾಮನಬಿಲ್ಲು ಕ್ಷಣಿಕವೆಂಬುದು ಸತ್ಯ.

ಮನೋಬಲಕ್ಕೆ ಅಪಾರ ತಾಕತ್ತುಂಟು.

ಸಹನೆಯೊಂದೇ ಅದಕ್ಕುತ್ತರವಾಗಲಿ.

ಆಚರಣೆಯಿರಲಿ ನಿತ್ಯ ಮನಃಶಾಂತವಾಗಿ.