ಮೌನ ತರಲಿ ಸುಖದ ಸಂಪತ್ತು...

ನಿನ್ನ ನೋವಿನಾಳಕಿಳಿದು 

ಒಂದೂ ಬಿಡದೆ

ದುಃಖವನ್ನೆಲ್ಲ 

ಅಳಿಸಬೇಕು ನಾ...

ನನ್ನ ಎದೆಯೊಳಗಿನ ಸುಖವ 

ಧಾರೆಯೆರೆದು....

ಪರಿಪರಿಯಾಗಿ

ನಗಿಸಬೇಕು ನಿನ್ನ.

ಕುಳಿತು ಎದುರಲಿ, 

ನೋಟ ಬೆರೆಸಿ, ಬೆರಳ ತುದಿಯಲಿ

ಅತ್ತ ಕರೆಗಳನೊರೆಸಿ,

ಮುತ್ತು ಮಳೆಯ ಸುರಿಸಬೇಕು ನಾ

ಬಿಗಿದಪ್ಪಿ ಒಮ್ಮೆ ಮೃದುವಾಗಿ

ನಿಟ್ಟುಸಿರ ನೀವಿ

ವಿರಹಗಳ ಮರೆಸಿ

ಬರಸೆಳೆದು ಸಂತೈಸಬೇಕು ನಿನ್ನ.

ಆ ನಿನ್ನ ಮನದ ಓಣಿಯಲಿ 

ಒಂಟಿತನ ಹರಡುವ ಮುನ್ನ.....

ಏಕಾಂತ ಬೇಕೆನಿಸಿ ಮನಸು

ಮುದುಡುವ ಮುನ್ನ....

ನಾನಿಲ್ಲದಾಗ ನನ್ನ ನೆನಪು 

ಕಾಡದಿರಲಿ ಎಂದೂ

ಬಾರದಿರಲಿ ಮಾತಿಲ್ಲದ ಹೊತ್ತು

ಮೌನ ತರಲಿ ಸುಖದ ಸಂಪತ್ತು..