ಸಾಕು ಮಾಡಿನ್ನು ಕಾಡುವಿಕೆಯನ್ನು...
ಸಾಕು ಮಾಡಿನ್ನು ಕಾಡುವಿಕೆಯನ್ನು...
ಏಯ್! ಬಾಲೆ, ನಿಲ್ಲೆ ಅಲ್ಲೇ,
ಮಕಾಡೆ ಮಲಗಿದ್ರೂ ಕಾಡ್ತೀ
ಅಂಗಾತ ಮಲಗಿದ್ರೂ ಕಾಡ್ತೀ
ಹಿಂಗಾದ್ರ ಹ್ಯಾಂಗss ಗೌಡ್ತೀ..
ಯುಗಾದಿಯೊಳಗ ಬೆಲ್ಲವಾಗಿದ್ದೆ
ನವಮೀಯೊಳಗ ಪಾನಕವಾದೆ
ಎಂತಾ ಸವಿ! ಕುಡಿದಷ್ಟೂ ನಾ ಹಾಳಾದೆ
ಇಷ್ಟ್ಯಾಕ ಕಾಡ್ತೀ ? ಬೇಗ ನನ್ನವಳಾಗಬಾರದೇ?
ಹಣೆಯ ಕುರುಳೆಲ್ಲ ಬಾಸಿಂಗವಾದಂತೆ,
ಕೆನ್ನೆ ಕೆಂಪು , ಮೂಗುತಿ ಒತ್ತಿದಂತೆ,
ತುಟಿಯಂಚು ಜೊನ್ನೆ ಜೇನಿನಂತೆ,
ಕಂಡಾಗಲೆಲ್ಲಾ, ಕಣ್ಣಲೇ ಕರೆದು ಮರೆಯಾದೆಯೇಕೆ?
ಸಣ್ಣಗೆ ನೀ ನಕ್ಕ ಪರಿಗೆ ನಾ ಸೋಲೆನೇನು ಹೇಳು..
ಮಿಣ್ಣಗೆ ನುಲಿವ ಸಲಿಗೆ ತರವೇ ನಿನಗೆ?
ಹೆಣ್ಣಿನ ಸೊಗಡು ನಾಚಿಕೆ ಅಲ್ಲವೇ ಜಾಣೆ?
ಈ ಬಣ್ಣನೆಯೊಂದಿಗೆ ಮನ್ನಣೆ ಬೇರೆ ಬೇಕೇನು? ( ಸಾಕು ಮಾಡಿನ್ನು ಕಾಡುವಿಕೆಯನ್ನು...😁😁😁)