ಬಾನಂಚಲಿ
ಬಾನಂಚಲಿ
ಬೆಳ್ಳಿ ಬಾನಂಚಲಿ
ಚೆಲ್ಲುವ ಹೂ ಮಳೆಯಲಿ
ಅವಳ ಹೆಜ್ಜೆಯನು ಹುಡುಕಾಡಿದೆ...
ನಿಧಾನವಾಗಿ ಜಾರುವ ಸಂಜೆಯೇಕೋ..
ಹಳೆಯ ನೆನಪುಗಳ ಕೆದಕುತ್ತಿದೆ..
ಎಷ್ಟು ದೂರದ ದಾರಿ ನೆಮ್ಮದಿಯ ಬದುಕಿಗೆ.,
ಭಾವನೆಗಳಿಗೆ ಬೇಲಿ ಹಾಕಿ ಎಷ್ಟು ದಿನ ಬದುಕಲಿ..?
ನಗುಮುಖದ ಈ ಮನಸ್ಸು ನೋವನ್ನು ಬಚ್ಚಿಟ್ಟು..,
ಸಿಗಲಾರದ ಪ್ರೀತಿಯನ್ನು ಹುಡುಕುತ್ತಿದೆ..
ಕಣ್ಣು ಮುಚ್ಚಿ ಕುಳಿತಿರುವೆ,
ನೀ ಬರಬಹುದು ಎಂದೂ..
ಒಲವಿನೂರ ಅಂಗಳದಿ ಏಕಾಂಗಿಯಾಗಿ..
ಇದಕ್ಕೆಲ್ಲಾ ಸಾಕ್ಷ್ಯ ನುಡಿಯುತಿದೆ
ಬೆಳ್ಳಿ ಬಾನಂಚು ಮೂಖವಾಗಿ..