ಕೃಷ್ಣ
ಕೃಷ್ಣ
1 min
366
ಕಟ್ಟಿ ಹಾಕದಿರು ನನ್ನ ಅಮ್ಮ
ತಬ್ಬಿ ಕೊಡುವೆ ಒಂದು ಉಮ್ಮ
ತಳ್ಳಿದರೆ ಬಂದಾನು ಗುಮ್ಮ
ಕದಿಯಲಾರೆ ಎಂದೂ ಬೆಣ್ಣೆ
ತರದಿರು ದಂಡಿಸಲು ದೊಣ್ಣೆ
ಅಮ್ಮನೆಂದರೆ ನೀನೇ ಜಾಣೆ
ಕರೆವರು ಮುದ್ದಿಸಿ ನನ್ನನು
ದೂರುವರು ನನ್ನೆದುರು ನಿನ್ನನು
ನಂಬು ಮಾತೆ ಎನ್ನನು
ಬೇಡುವರು ನುಡಿಸಲು ಕೊಳಲು
ಕೇಳದೆ ಇರಲಿ ಹೇಗೆ ಅವರ ಅಳಲು
ಮಮತೆಯಲಿ ಸೇರುವೆ ಮಡಿಲು
ಗೊಲ್ಲನೆನ್ನುವರು ಕಳ್ಳನೆನುವರು
ಕರಪಿಡಿದು ಕರೆವರೆ ಕನ್ಯೆ ಯರು
ಯಶೋಧೆಯಂತೇಯೇ ಕಾಣ್ವರು