વ્હાલપણમાં રહી ગઈ

પાંચીકાથી શરુ થઈ... ને ઘડપણમાં રહી ગઈ,

બાળપણની જિંદગી એ આંગણામાં રહી ગઈ !

સમુંદર કિનારે ભીની'શી રેતીના ઘર ગોખલામાં, 

પગરવની છાપ મોજે મહેરામણમાં વહી ગઈ !

સાંકળી લઈને જે સાતતાળી રમતી'તી ચોકમાં,

છોકરી એ સાસરે જઈ શાણપણમાં રહી ગઈ !

જવાબદારીના બોજ તળે.. મચડાતી કચડાતી,

અધૂરી ઈચ્છાઓ, આહ... દર્પણમાં રહી ગઈ !

શું પામ્યા, શું ગુમાવ્યું, એ હિસાબો ક્યાં માંડવા,

જિંદગીની મજા મિત્રોના વ્હાલપણમાં રહી ગઈ !