મહેફિલ

મહેફિલમાં મુલાકાત હતી ને સફરની શરૂઆત હતી,

એ મંઝિલ ઘણી દૂર હતી ને ગઝલની રજૂઆત હતી,

ખુશ્બૂ ભરેલા અત્તર હતા કે ખુશ્બૂ ભરેલા જામ હતા,

આ અશ્રુ ભરેલી પાંપણમાં શું મહેકતા કોઈ નામ હતાં,

તું હતી, તારી યાદો હતી, દિલમાં એક કસર હતી,

આંખોમાં રણની તરસ હતી ને લોહીભીની ટશર હતી,

એ હોઠોમાં પૈગામ હતા ને શબ્દોના સરંજામ હતા,

એ પીધા એ તો ગમ હતા ને વહી ગયા અંજામ હતા,

તારા મઢેલી રાત હતી ને વણકહેલી એ વાત હતી,

 મહેફિલમાં ગુંજતી હતી શાયરી ભરેલી જાત હતી.