તરસ

આજેય પણ મારું હૈયું એટલું જ ઉદાસ છે,

કે તારી ગેરહાજરીમાં રોકાયા મારાં શ્વાસ છે,

ને દશા એવી થઈ છે હવે મોહબ્બતમાં મારી,

મને ખ્યાલમાં થઈ રહ્યો એ શહેરનો પ્રવાસ છે,

ચમનમાં વિહરવાં છતાં મળ્યું ના ફૂલ ભમરાને,

હું પણ શોધું છું તને કારણ કે તું બહુ ખાસ છે,

તને મળવા હવે અવાશે નહીં, સંકોચ વચ્ચે છે,

એટલે જ પરોક્ષ રીતે રાખી, મેં તારી તપાસ છે,

મોસમ ચોમાસાની છે છતાંય હૈયું તપી રહ્યું છે,

છીપી શકે એ પાણીથી એવી તો ક્યાં પ્યાસ છે !