સ્વપ્ન

ભરશિયાળે આજ મને પરોઢિયે વળ્યો પરસેવો,

ભરઊંઘમાંથી ભાઇ હું તો જુઓ નાઠો કેવો ?

ઘરમાં જઇને હું તો મંડી પડ્યો રોવા,

થોડીવારમાં તો આવ્યા મારા પડોશી જોવા.

ભેંકડો તાણેલો બંધ થતો નથી ને,

સૌ પૂછે ભાઇ કશું થયું નથી તને ને ?

તિજોરી ખોલીને જોતાં જોયું હેમખેમ,

બધું જોયું મેં તિજોરીમાં હતું એમનુ એમ.

ચહેરો મારો બદલાણો ને થયો હું થોડો હસતો,

પછી તો આવનારાનો પણ લાગ્યો જરા મૂડ ખસતો,

ક્રોધાગ્નિ સૌનો ભભૂક્યો, ક્યારનો નથી કેમ ભસતો, 

હું પણ હવે જબરો શરમાણો મનમાં મુસ્કુરાતો.

ગુસ્સો બધા શાંત કરો તો કરું વાત હું મારી,

મને આવેલું સ્વપ્ન કે થઈ મારા ઘરમાં ચોરી,

કાલે જ લાવેલો બેન્કમાંથી હું તો નોટોની થપ્પી કોરી,

પડ્યો જબરો ધ્રાસકો મને ને થયો રેબઝેબ પરસેવે.

તેથી રડતો રડતો હું તો નાઠેલો એવો ને એવો,

જોઇ તિજોરી ખુલ્લી ,મંડયો હું તો રોવા,

ભેંકડો મારો સાંભળીને તમે પણ આવ્યા જોવા,

પત્ની કહે રાતના મારી ભૂલથી રહી ગઈ તિજોરી ખુલ્લી, 

આ સાંભળી હાશકારો થયો ને ઉડી ગઈ મારી ખિલ્લી, 

તમે મારા છો સાચા સંબંધી દુ:ખ જોઈ દોડી આવ્યા,

તેથી જ વડવાઓએ કહ્યું છે પહેલો સગો છે પડોશી,

સુખ-દુ:ખમાં સૌ સાથે જ રહેશું ને છવાઈ ગઈ ખામોશી.