સવાલ અલખધણીને

 જનમ્યો જગમાં પાંચશેરનો 

બાળક સાવ અબુધ 

નાનીશી બોટલમાં પાતી 

મમી  મારી  દૂધ 

મીઠા દૂધની જાડા કાચની 

મસ્ત હતી બોટલ 

ખોવાણી ક્યાં પડી ખબર ના 

આજ લગી  ટોટલ 

બાળગોઠિયા જડીયા જાજા 

મૂકતા રમતુંમાં માજા 

સાતતાળી અને થપ્પોદા 

ગિલ્લી ડંડાને  ક્રિકેટ 

નિર્મલ ને નનકુડા સહુ 

પણ હતી વાતું સિક્રેટ 

વહ્યો વખત જ્યાં થોડો 

ખેલતા શેરિયુંમાં યે ખેલ 

ઓચિંતી આવી પડી 

ત્યાં તો  નિશાળ રૂપી જેલ 

ગુમ થયું એ બચપણ જોને 

આવી મસ્ત જવાની 

શબદ જવાની જ 

કેતો કાનમાં એકદી 

એ પણ જાવાની 

બચપણ ગયું ને ગઈ જવાની 

વાત બરોબર એ સમજાણી 

આવે જગ માં પડે જવું એને 

વહેલામોડા સહુ કોઈ પ્રાણી  

તાત જગતનાને પૂછું 

સવાલ મજાનો એક 

નથી છળ કે કપટ નથી કાંઈ 

નિયત તો મારી છે  નેક 

નિયમ સર્વે તું જ ઘડે 

જે આવે એને જવુજ પડે 

બનીશકે તો બતાવના માલિક 

આવેલું ઘડપણ જીવમાં

એને લીધા વીના કાં જાય ના ?