સહુથી મોટો સ્ટેશન માસ્તર
સહુથી મોટો સ્ટેશન માસ્તર
જગત નિયંતાએ રચી પળમાં જગની સહુથી લાંબી રેલ,
ગામ શહેર રૂપી જોડિયા ડબ્બા માંડ્યો ગુડ્ડા ગુડ્ડીનો ખેલ !
સીટિંગ સ્લીપર ફર્સ્ટ ક્લાસ છે ;
સેકન્ડ ને થર્ડ એ.સી.બેસાડી સુવડાવી દીધા,
એમાં લખ ચોરાસી ! મૂકી હિંમતની ફિશપ્લેટ
જોડીયા શ્રદ્ધાના સલેપાટ,
પ્રેમરૂપી એણે પાટા મુકીયા
ભગાવતો ગાડી સડસડાટ !
વિશ્વાસના ખોડીને ફાટક ધરતો બત્તી લાલ,
અટકીજા અટકીજા મનવા અહીં તો હવે અટક !
કરમના રૂપિયાની લઇ ટિકિટ કહે સહુને આવો ;
સીટ નંબરે ગોઠવી બધાને પોતે વગાડે પાવો !
ટિકિટ સહુના ખિસ્સામાં પણ દેખે નહિ એને કોઈ,
મૂકે ઉતારી તુરત ગોતીને વગર ટિકિટજે કોઈ હોઈ !
અજબગજબની અદ્દભુત ગાડી,
સંચાલક ખુદ એકજ સ્ટેશન,
કોનું ક્યારે એની સફરી નેયના જાણ સહેજ !
કરું નમી સલામ તનેતો, ભાવથી કહું,
વિશ્વમ્ભર પડી ગઈ ખબર મને તો પાકી,
તું છો સહુથી મોટો સ્ટેશન માસ્ટર.